2024 പാരിസ് ഒളിമ്പിക്‌സില്‍ ബ്രേക്ക്ഡാന്‍സിങും!

0
132

2024 പാരിസ് ഒളിമ്പിക്‌സില്‍ ഇനി ബ്രേക്ക്ഡാന്‍സിംഗ് കാണാം. പുതുതായി ഉള്‍പ്പെടുത്തിയ നാല് ഇനങ്ങളില്‍ ഒന്ന് ബ്രേക്ക്ഡാന്‍സിംഗാണ്. സ്‌കേറ്റ്‌ബോര്‍ഡിംഗ്, സര്‍ഫിംഗ്, സ്‌പോര്‍ട് ക്ലൈമ്പിംഗ് എന്നിവക്കും അന്താരാഷ്ട്ര ഒളിമ്പിക് കമ്മിറ്റി (ഐ ഒ സി) എക്‌സിക്യൂട്ടീവ് ബോര്‍ഡ് പച്ചക്കൊടി കാണിച്ചു. ഇതില്‍ ബ്രേക്ക്ഡാന്‍സിംഗ് ഒഴിച്ചുള്ളവ 2020 ടോക്യോ ഒളിമ്പിക്‌സിലേക്ക് തെരെഞ്ഞെടുത്തിട്ടുണ്ട്.

ഇന്ത്യ സ്പോർട്സ് ലൈവിന്റെ ഫേസ്ബുക് ഗ്രൂപ്പിൽ ജോയിൻ ചെയ്യാനുള്ള [ലിങ്ക്]

ലോകത്ത് ബ്രേക്ക്ഡാന്‍സിംഗിന് വലിയ പ്രചാരമുണ്ട്. പത്ത് ലക്ഷത്തോളം വരും ആഗോളതലത്തില്‍ ബ്രേക്ക്ഡാന്‍സിംഗ് പ്രൊഫഷണലുകള്‍. 2019 ല്‍ മുംബൈയില്‍ നടന്ന റെഡ് ബുള്‍ വണ്‍ വേള്‍ഡ് ഫൈനല്‍ എന്ന ബ്രേക്ക്ഡാന്‍സിംഗ് ചാമ്പ്യന്‍ഷിപ്പിന് ഫെയ്‌സ്ബുക്ക്, യുടൂബ് ഉള്‍പ്പടെയുള്ള സാമൂഹിക മാധ്യമങ്ങളിലൂടെ അഞ്ച് കോടി വ്യൂവ്‌സാണ് ലഭിച്ചത്. 2019 ല്‍ ഒളിമ്പിക് പ്രോഗ്രാം കമ്മീഷന്‍ റിപ്പോര്‍ട്ടിലാണ് ബ്രേക്ക്ഡാന്‍സിംഗിന്റെ പ്രചാരം സംബന്ധിച്ച കണക്കുകള്‍ വ്യക്തമാക്കിയിട്ടുള്ളത്.

2018 ല്‍ അര്‍ജന്റീനയിലെ ബ്യൂണസ്‌ഐറിസില്‍ നടന്ന യൂത്ത് ഒളിമ്പിക്‌സില്‍ ബ്രേക്ക്ഡാന്‍സിംഗ് അരങ്ങേറ്റം കുറിച്ചിരുന്നു. റഷ്യയുടെ സെര്‍ജി ചെര്‍നിഷേവാണ് ബ്രേക്ക്ഡാന്‍സിംഗ് സ്വര്‍ണം നേടിയ ആദ്യ താരം. വനിതകളില്‍ ജപ്പാന്റെ റമു കവായും യൂത്ത് ഒളിമ്പിക് സ്വര്‍ണമണിഞ്ഞു. ടോക്യോ ഒളിമ്പിക്‌സില്‍ 339 ഇനങ്ങളാണെങ്കില്‍ പാരിസ് ഗെയിംസിലേക്കെത്തുമ്പോള്‍ 329 ആയി ചുരുങ്ങും. പാരിസില്‍ പങ്കെടുക്കുന്ന അത്‌ലറ്റുകളുടെ എണ്ണം 10500 ആയിരിക്കും. ടോക്യോ ഒളിമ്പ്യാഡിനെ അപേക്ഷിച്ച് 600 അത്‌ലറ്റുകളുടെ കുറവുണ്ടാകും. ഒളിമ്പിക് ചരിത്രത്തിലാദ്യമായി ലിംഗ സമത്വം ഉറപ്പുവരുത്തിക്കൊണ്ടുള്ള ഗെയിംസാകും പാരിസിലേത്.

കായിക വാർത്തകൾ കൃത്യയോടെ ലഭിക്കാൻ ഇൻസ്റ്റാഗ്രാമിൽ ഞങ്ങളെ ഫോളോ ചെയ്യുക [ലിങ്ക്]

കൊറോണ വൈറസ് പ്രതിസന്ധി കാരണം ഒളിമ്പിക്‌സ് 2021 ലേക്ക് മാറ്റിവെച്ചിരിക്കുകയാണ്. ഈ മൂന്ന് ഇനങ്ങള്‍ക്കും പാരിസ് ഗെയിംസിലും അവസരം നല്‍കുകയാണ് ഐ ഒ സി എക്‌സിക്യൂട്ടീവ് ബോര്‍ഡ് ചെയ്തിരിക്കുന്നത്. അസാമാന്യ മെയ് വഴക്കവും ദ്രുതതാളവുമുള്ള കലാരൂപമാണ് ബ്രേക്ക്ഡാന്‍സിംഗ്. 1970 ല്‍ ന്യൂയോര്‍ക്കിലെ സൗത്ത് ബ്രോക്‌സില്‍ ഹിപ് ഹോപ് സംസ്‌കാരത്തോട് ഇഴചേര്‍ന്ന് രൂപപ്പെട്ട കലാരൂപമാണിത്.

ഞങ്ങളുടെ പേജിൽ അപ്ഡേറ്റ് ചെയ്യുന്ന വാർത്തകൾ വേഗത്തിൽ ലഭിക്കാൻ ഇടതുവശത്തു കാണുന്ന ബെൽ ഐക്കണിൽ ക്ലിക്ക് ചെയ്യുക.

LEAVE A REPLY

Please enter your comment!
Please enter your name here