സഞ്ജുവിന്റെ പ്രകടനത്തെ വിലയിരുത്തി ലാറയും ഗവാസ്കറും!

0
229
Sanju Samson

കിങ്‌സ് ഇലവന്‍ പഞ്ചാബിനോട് അവസാന ഓവറില്‍ തോല്‍വി വഴങ്ങിയ രാജസ്ഥാന്‍ റോയല്‍സിന്റെ കളിയെ വിലയിരുത്തി ക്രിക്കറ്റ് ഇതിഹാസം ബ്രയാന്‍ ലാറ. ഐപിഎല്ലില്‍ കളി വിദഗ്ധനായെത്തുന്ന മുന്‍ വിന്‍ഡീസ് താരം റോയല്‍സ് ക്യാപ്റ്റന്‍ സഞ്ജു സാംസണിന്റെ ബാറ്റിങ്ങിനെ വാനോളം പുകഴ്ത്തി. അവസാന ഓവറില്‍ ക്രിസ് മോറിസിന് സ്‌ട്രൈക്ക് കൈമാറിയില്ലെന്ന വിമര്‍ശനത്തിനും ലാറ പ്രതികരിക്കുന്നുണ്ട്.

ഇന്ത്യ സ്പോർട്സ് ലൈവിന്റെ ഫേസ്ബുക് ഗ്രൂപ്പിൽ ജോയിൻ ചെയ്യാനുള്ള [ലിങ്ക്]

ആര്‍ഷ്ദീപ് സിങ് എറിഞ്ഞ അവസാന ഓവറിലെ അഞ്ചാം പന്ത് നേരിട്ടത് സഞ്ജു സാംസണാണ്. രണ്ട് പന്തില്‍ അഞ്ചു റണ്‍സായിരുന്നു അപ്പോള്‍ വേണ്ടിയിരുന്നത്. സഞ്ജു കരുത്തോടെയടിച്ച അഞ്ചാം പന്ത് ലോങ് ഓണില്‍ ദീപക് ഹൂഡ ഫീല്‍ഡ് ചെയ്തു. ഒരു സിംഗിള്‍ അനായാസം എടുക്കാമായിരുന്നു. എന്നാല്‍, സ്‌ട്രൈക്ക് എന്‍ഡിലേക്ക് ഓടിയെത്തിയ ക്രിസ് മോറിസിനെ സഞ്ജു മടക്കിയയക്കുകയായിരുന്നു. ഇത് പിന്നീട് വിമര്‍ശനത്തിന് ഇടയാക്കി.

സഞ്ജുവിന്റെ തീരുമാനം വളരെ ശരിയായിരുന്നെന്നാണ് ലാറ വിലയിരുത്തുന്നത്. ആ അവസരത്തില്‍ ആര്‍ക്കെങ്കിലും ബൗണ്ടറി അടിക്കാന്‍ കഴിയുമെങ്കില്‍ അത് സഞ്ജുവിന് മാത്രമായിരുന്നു. ഒരുപക്ഷെ രണ്ടു റണ്‍സ് ഓടാന്‍ ശ്രമിച്ചിരുന്നെങ്കില്‍ റണ്ണൗട്ടൗകാനുള്ള സാധ്യതയുമുണ്ട്. സഞ്ജുവിന്റെ അപ്പോഴത്തെ തീരുമാനം വളരെ ശരിയാണ്. ആ പന്തില്‍ സഞ്ജു ഒരു സിംഗിള്‍ എടുക്കാതിരുന്നതിനെ താന്‍ ഒരിക്കലും കുറ്റപ്പെടുത്തില്ലെന്നും ലാറ വ്യക്തമാക്കി.

കായിക വാർത്തകൾ കൃത്യയോടെ ലഭിക്കാൻ ഇൻസ്റ്റാഗ്രാമിൽ ഞങ്ങളെ ഫോളോ ചെയ്യുക [ലിങ്ക്]

ഗംഭീരമായ ഇന്നിങ്‌സ് ആണ് സഞ്ജുവിന്റേതെന്നാണ് സുനില്‍ ഗാവസ്‌കറിന്റെ നിരീക്ഷണം. സഞ്ജുവിന്റെ ആ ഇന്നിങ്‌സില്‍ തീര്‍ച്ചയായും അദ്ദേഹം ഒരു ജയം അര്‍ഹിച്ചിരുന്നു. മൈതാനത്തിന്റെ എല്ലാ ഭാഗത്തേയും സഞ്ജു ഷോട്ടുകള്‍ പായിച്ചു. എസ്ട്രാ കവറിലേക്ക് സിക്‌സറടിക്കുക അത്ര എളുപ്പമല്ല. പക്ഷെ, അവസാന പന്തിന് തൊട്ടു മുന്‍പുവരെ സഞ്ജുവിന് അത് സാധിച്ചു. തീര്‍ച്ചയായും സഞ്ജു ജയം അര്‍ഹിച്ചിരുന്നെന്നും അദ്ദേഹം പറഞ്ഞു. വ്യാഴാഴ്ച ഡല്‍ഹി കാപ്പിറ്റല്‍സുമായാണ് റോയല്‍സിന്റെ അടുത്ത മത്സരം.

LEAVE A REPLY

Please enter your comment!
Please enter your name here